Concurso de Traslados
  Mesa Sectorial
  Xuntas de Persoal
  Profesorado Interino
  Oposicións
  Destinos Provisionais
  STEG Opina
  Lingua galega
  Escola laica
  FP
  Universidade
  Recursos/Publicacións
  Convocatorias anuais
  Outras iniciativas/Campañas do STEG
  Retribucións
  Xubilacións
  Formación STEG
  Permutas
  Bolsas de Traballo
  Eleccións sindicais
  Avisos
  Informes educativos/webs
  Educación no Rural
  Educación Exterior
  Reseñas DOG
 Lexislación
Publicacións
Necesita el Flash Player y activar Javascript.
Colaboracións STEG
Necesita el Flash Player y activar Javascript.
  MOBILIZACIÓNS    
RECORTES SERVIZOS PÚBLICOS
O STEG contra os recortes nos servizos públicos
O Goberno aprobou, no último Consello de Ministros, os novos recortes en Ensino e en Sanidade. En ambos os dous casos as reformas empeoran estes dous servizos públicos, castigando a quen máis necesidades educativas ou sanitarias teñen. Os recortes provocarán a exclusión, na cobertura das súas necesidades, das persoas con menores recursos. Contando coa insoportábel situación económica que están a sufrir moitas persoas, esta falta de atención vai afectar a unha alta porcentaxe da poboación.

En Sanidade auméntase o copago dos medicamentos, introducíndose para as persoas xubiladas, o que levará a non cumprir cos tratamentos e a unha diminución dos índices de saúde. Tamén se introduce o copago en prestacións dietéticas e ortoprotésicas e no transporte sanitario non urxente. Ademais retírase o dereito á atención sanitaria ás persoas inmigrantes sen papeis cunha negativa incidencia sobre a saúde pública.Ao final, peor saúde para o conxunto da poboación e, especialmente, as persoas con maiores problemas de saúde e menores recursos.

En Ensino, auméntase a xornada de docencia directa, o que provocará un brutal recorte de cadros e unha degradación da calidade educativa... Recortarase tambien a oferta educativa, reducindo Ciclos Formativos na FP. Na Universidade sóbense as taxas, redúcese a oferta de titulacións e aumentarase a carga de traballo do profesorado. En resumo, as decisións gobernamentais son peor educación pública e máis cara.

As pensións xa se empeoraron co anterior goberno e se ameaza cunha próxima reforma para diminuír a súa cantidade e contía. Reduciuse a atención a persoas dependentes e parece que se pretende rematar con ese dereito. Como se pode ver, os ataques aos dereitos sociais están a ser continuados e afectan ao seu conxunto.

O Goberno de Rajoy, con estas reformas, entende a preservación dos servizos públicos recortando as prestacións e adapta a legalidade para que os gobernos das comunidades autónomas apliquen sen trabas todas as medidas proxectadas. Co pretexto de que non se poden manter, se recortan os servizos públicos en vez de os asegurar. Así, se converten, o que antes considerabamos dereitos, en gastos prescindíbeis.

O STEG segue pensando que unha educación e unha sanidade públicas e de calidade non son un gasto, senón unha investimento no futuro colectivo e as considera como dereitos, non como gastos prescindíbeis. O necesario non é recortar, senón aumentar a inversión en servizos públicos que aseguren a cohesión social. Aínda queda moito por mellorar tamén na atención a persoas maiores, en escolas infantis, en atención a persoas dependentes...

Por moito que os gobernos autonómico e central nos digan que non hai outra saída. Por moito que a Unión Europea, os organismos internacionais e os mercados, queiran mostrar como única saída posible a perda de dereitos. Por moito que insistan, iso non converte as súas afirmacións en verdades. Se se puido levantar, o século pasado, unha estrutura de servizos públicos, na actualidade, con máis razón, débese poder mellorar e ampliar.

O discurso permanente de que non se poden pagar os servizos públicos, agacha a mala xestión, as axudas aos bancos, a vista gorda ao fraude fiscal, os custosos proxectos, as dilapidacións innecesarias e, sobre todo, o desexo do gran capital por trasladar ao libre mercado dereitos sociais básicos como a educación, a sanidade ou as pensións.

Este domingo, 3 de xuño, o STEG sairá de novo, para dicir ben alto, que opta pola resistencia. Por defender os dereitos que tanto esforzo custou conseguir e que, agora, nos queren quitar. E chama á cidadanía galega para que se manifeste contra estes recortes.


Permanente do Secretariado Nacional do STEG
 

prodesin.com E-mail de Contacto | Aviso Legal