Concurso de Traslados
  Mesa Sectorial
  Xuntas de Persoal
  Profesorado Interino
  Oposicións
  Destinos Provisionais
  STEG Opina
  Lingua galega
  Escola laica
  FP
  Universidade
  Recursos/Publicacións
  Convocatorias anuais
  Reseñas DOG
  Retribucións
  Xubilacións
  Formación STEG
  Permutas
  Bolsas de Traballo
  Educación Exterior
  Avisos
  Informes educativos/webs
  Educación no Rural
  Eleccións sindicais
 Lexislación
Publicacións
Necesita el Flash Player y activar Javascript.
Colaboracións STEG
Necesita el Flash Player y activar Javascript.
  STEG OPINA   
CURSO 2012-2013
A Asemblea de Mulleres do STEG denuncia a pretensión de criminalizar o dereito ao aborto
RESOLUCIÓN CONTRA A MODIFICACIÓN DA LEI DO ABORTO
Desde a Asemblea de Mulleres do STEG denunciamos a pretensión do actual Ministro de Xustiza, Alberto Ruíz-Gallardón de criminalizar o dereito ao aborto.

O aborto debe ser considerado como un dereito das mulleres, sen excepcións, nin necesidade de motivación ningunha. A función da lei é a de garantir a igualdade para todas as persoas, sexan como sexan, así como a de remexer os obstáculos que dificultan esta igualdade.

E, ao mesmo tempo, a muller xestante debe poder abortar sen necesidade de dar razón a ninguén das súas motivacións; só ela sabe, se quere afrontar un determinado embarazo ou non, iso é cousa súa. A discapacidade ou tara dun feto non debe condicionar a lei, que si debe ter presente á muller xestante, que ten todo o dereito para tomar, respecto ao seu embarazo, a decisión que considere oportuna.

Como traballadoras do ensino coñecemos de primeira man o que significa ser unha persoa “non desexada” e que tal e como se está a desenvolver a lexislación educativa – LOMCE - o problema dos embarazos non desexados entre mulleres mozas non deixará de medrar, xa que deixaremos de ter a posibilidade de formar a todo o alumnado en educación afectiva e sexual pola segregación sexual e social que se vai dar no ensino en idades cada vez máis temperás.

Pero a modificación da actual lei do aborto vai máis alá, non é só un ataque inxusto e inxustificado contra a liberdade das mulleres, senón que é tamén, a perpetuación das diferenzas de clase, as mulleres con medios para pagar o aborto en calquera outro país que permita a interrupción do embarazo e as que terían que someterse a operacións clandestinas co conseguinte risco para a súa saúde e liberdade. Este reforzo nas desigualdades sociais será un obxectivo a cumprir en todas as súas políticas.

Políticas que ademais reforzan a utilización das mulleres como servidoras invisibles aos fins que marque o Estado, considerándonos inferiores e sen capacidade de decisión, manténdonos escravas con leis que impiden a nosa liberdade, formación e independencia, mantendo a división sexual do traballo e reforzando todas as estruturas do Estado patriarcal.

Esta lei é unha clara demostración das políticas retrógradas que está a tomar este Goberno co único argumento da súa maioría absoluta, facendo da democracia un sistema totalitario, facéndonos perder dereitos que criamos consolidados, afondando nas desigualdades sociais e retirando todas aquelas medidas que favorecían a igualdade entre homes e mulleres.

Por todo iso pedimos que se retire esta contrarreforma e a demisión do ministro de xustiza Alberto Ruíz Gallardón.
Asemblea de mulleres do STEG
xuño de 2013
 

prodesin.com E-mail de Contacto | Aviso Legal