Concurso de Traslados
  Mesa Sectorial
  Xuntas de Persoal
  Profesorado Interino
  Oposicións
  Destinos Provisionais
  STEG Opina
  Lingua galega
  Escola laica
  FP
  Universidade
  Recursos/Publicacións
  Convocatorias anuais
  Reseñas DOG
  Retribucións
  Xubilacións
  Formación STEG
  Permutas
  Bolsas de Traballo
  Educación Exterior
  Avisos
  Informes educativos/webs
  Educación no Rural
  Eleccións sindicais
 Lexislación
Publicacións
Necesita el Flash Player y activar Javascript.
Colaboracións STEG
Necesita el Flash Player y activar Javascript.
  STEG OPINA   
CURSO 2014-2015
A Consellería disfraza de renuncias voluntarias os recortes aos contratos-programa
A CONSELLERÍA DISFRAZA DE RENUNCIAS VOLUNTARIAS OS RECORTES AOS CONTRATOS-PROGRAMA

Multitude de centros vénse obrigados a renunciar ao non concedérselle profesorado externo

O pasado mes de febreiro, a Consellería fixo pública a listaxe dos centros seleccionados para o desenvolvemento dos Contratos-Programa no curso 14-15, ademais dun listado de 26 centros que renunciaron “voluntariamente” a participar nese programa.

O STEG púxose en contacto con cada un deses centros que renunciaron para coñecer cal era o motivo da renuncia, resultando que tan só 3 deles tomaron esa decisión debido a non formar un grupo de alumnos mínimo para levalo a cabo. No resto dos casos, 19 centros (case tres de cada catro) foron forzados a renunciar, debido a que, aínda que realizaron a solicitude correctamente segundo a convocatoria, non lles foi concedido profesorado externo ao centro, e non tiveron opción a facer ningún tipo de reclamación á decisión da administración. É particularmente sangrante algún caso no que, tras denuncias na prensa, a Consellería excusouse en que só lle concedían profesorado externo aos centros que o tivesen concedido de anos anteriores, cando esta condición tamén se incumpriu noutros casos.

Outros centros que figuran como renuncias nin tan sequera chegaron a solicitar ese programa, xa que, aínda que en cursos anteriores lles foi concedido profesorado externo, se lles transmitiu verbalmente que neste curso non o ían ter, e non o prorrogaron debido á imposibilidade de levalo a cabo.

Tan só houbo un centro dos consultados que si renunciou voluntariamente, como protesta pola tardanza en formalizar o inicio dos programas, incidindo en que o alumnado con dificultades non pode agardar ata febreiro, con máis da metade do curso vencida, para comezar a tomar medidas de reforzo; e que nesas condicións resultaría imposible a consecución dos obxectivos do programa.

Resulta imposible saber cantos dos centros aos que se lle concedeu o contrato-programa en realidade accederon á coacción á que lles someteu a Consellería ante a ameaza de non concederlle eses recursos se non aportaban profesorado do propio centro, que nun principio non se prestara voluntario.

Dende o STEG denunciamos que a Consellería pretenda facer pasar por renuncias voluntarias un novo recorte na educación pública que, neste caso, incide no alumnado con máis necesidades de apoio educativo. Coincidimos en que un programa de reforzo non pode comezar con case dúas terceiras partes do curso cumpridas, xa que o alumnado que teña dificultades, as ten dende o primeiro día, e a fenda entre o seu ritmo de aprendizaxe e o do resto do grupo será aínda maior.

Seguimos insistindo en que os contratos-programa non son a resposta, xa que se a Consellería admite tácitamente que nun centro hai alumnado que precisa de apoio educativo, a solución debería pasar porque o centro contase con máis profesorado de apoio, e non castigando a ese alumnado cunha maior carga lectiva, nin ao profesorado con horas extra encubertas que, aínda por riba se cobran tarde, mal ou despois de complicados procesos administrativos.

Secretariado Nacional do STEG
marzo de 2015
 

prodesin.com E-mail de Contacto | Aviso Legal