Concurso de Traslados
  Mesa Sectorial
  Xuntas de Persoal
  Profesorado Interino
  Oposicións
  Destinos Provisionais
  STEG Opina
  Lingua galega
  Escola laica
  FP
  Universidade
  Recursos/Publicacións
  Convocatorias anuais
  Reseñas DOG
  Retribucións
  Xubilacións
  Formación STEG
  Permutas
  Bolsas de Traballo
  Educación Exterior
  Avisos
  Informes educativos/webs
  Educación no Rural
  Eleccións sindicais
 Lexislación
Publicacións
Necesita el Flash Player y activar Javascript.
Colaboracións STEG
Necesita el Flash Player y activar Javascript.
  STEG OPINA   
CURSO 2015-2016
O STEG solicita a modificación da orde de destinos provisionais
No STEG vemos con preocupación a decisión da Consellería de adxudicar ao profesorado de ensino secundario postos docentes en conservatorios no concurso de destinos provisionais. Istoinsérese na particular estratexia do "todo vale" da Administración, que logo da desfeita provocada polos recortes, o aumento do horario lectivo, supresión de unidades e, en definitiva o austericidio que esta Consellería leva anos aplicando, tenta xustificarse apelando a unha "mala planificación herdada"

No STEG consideramos a ensinanza da música e das artes coma unha parte fundamental na formación das persoas, e así debe considerarse tanto no ensino obrigatorio como nas ensinanzas de réxime especial. Contrariamente, a Administración encara o tratamento desta parte do currículo como simples actividades extraescolares ou materias de segunda categoría que dispensarían, por tanto, de calquera reparo ou coidado á hora de cubrir unha vacante. Non podemos permitir que se ignore a especialización do profesorado, a idoneidade para un posto e materia, o curriculum... e denunciamos que medidas coma esta son a proba patente do desprezo que durante anos ten tido a Consellería para con estas ensinanzas. A discrecionalidade que se
atribúe a administración neste eido é pouco menos que denigrante para o persoal docente.

O STEG tampouco comparte a opción da administración de crear agravios comparativos entre os diferentes corpos que traen como consecuencia o enfrontamento do profesorado. As medidas excepcionais da administración deberían ter como criterios a calidade do ensino, o respecto polas diferentes vías de acceso e o de garantir a especialización dentro da práctica docente e, en concreto, tomar medidas relativas á redución de ratios e á realización de desdobres.

Da mesma maneira que para as escolas oficiais de idiomas non se chama profesorado do ensino secundario até esgotar a propia lista de interinidades e substitucións, non entendemos que para os conservatorios se poidan incorporar outros docentes mentres existan interinos/as ou substitutos/as nas listas deste corpo.

Diante desta actitude, o STEG non pode facer máis que esixir á Consellería que modifique o punto da orde de adxudicación de destinos provisionais que permite ese arbitrario criterio de actuación, que mostre ás ensinanzas artísticas o respecto que merececen e que recoñeza na práctica o seu valor fundamental na formación integral do individuo, o que fomentará a autonomía e o espírito crítico das persoas, lonxe dun modelo de suxeitos mansos supeditados aos ditados de calquera goberno ou do mercado.

Permanente do Secretariado Nacional do STEG
26 de novembro de 2015
 

prodesin.com E-mail de Contacto | Aviso Legal