Concurso de Traslados
  Mesa Sectorial
  Xuntas de Persoal
  Profesorado Interino
  Oposicións
  Destinos Provisionais
  STEG Opina
  Lingua galega
  Escola laica
  FP
  Universidade
  Recursos/Publicacións
  Convocatorias anuais
  Reseñas DOG
  Retribucións
  Xubilacións
  Formación STEG
  Permutas
  Bolsas de Traballo
  Educación Exterior
  Avisos
  Informes educativos/webs
  Educación no Rural
  Eleccións sindicais
 Lexislación
Publicacións
Necesita el Flash Player y activar Javascript.
Colaboracións STEG
Necesita el Flash Player y activar Javascript.
  STEG OPINA   
CURSO 2017-2018
A Consellería da un paso máis no desprezo do galego
Este venres 27 de outubro a Consellería de Educación publicou na súa web a Orde que regulará o Concurso Xeral de Traslados do presente curso, e nel se certifica o papel desta administración coma verdadeira enterradora da nosa lingua.

    Coa excusa de que coa diferencia de baremación non se vexan prexudicadas as persoas de fóra do noso territorio, esta convocatoria, que debería ser de ámbito autonómico, ábrese a que participe o persoal docente do resto do estado. Non chega con que reiteradamente as vacantes que saen a concurso son en cantidades irrisorias, non chega con que exista un colectivo de docentes que levan ata 10 anos en expectativa de destino, senón que cando se convoca un CXT que debería ser exclusivo para o persoal con destino en Galiza tamén hai que competir polas vacantes con persoas que non teñen o seu destino aquí.

    Pero o que no STEG nos parece un auténtico escándalo é que só se vai esixir a acreditación do coñecemento da lingua galega ás persoas que queiran acceder a prazas nas especialidades de Educación Infantil, Educación Primaria e Ciencias Sociais na etapa de infantil e primaria, e nas especialidades de Bioloxía e Xeoloxía e Xeografía e Historia na etapa de secundaria. Isto é, cumpren o mínimo do Decreto de Plurilingüismo e semella que aínda temos que dar as grazas.

    No STEG denunciamos que a Consellería está a facer trampas ao solitario, xa que tanto na Lei do Emprego Público de Galiza coma nas diferentes convocatorias de emprego público para o persoal docente se esixe que para ingresar á función pública docente en calquera dos seus corpos e especialidades é indispensábel a acreditación do coñecemento do galego. Tamén se recolle nas ordes que regulan os horarios do profesorado que, sexa cal sexa a súa especialidade, o persoal docente pode completar horario impartindo materias para as que a propia Consellería recoñece a necesidade do requisito lingüístico nesta orde de CXT.

    Dende o STEG imos seguir loitando pola dignificación da lingua galega no eido do ensino público, e seguiremos esixindo á Consellería que cumpra o seu deber de protexer e difundir o uso da nosa lingua, polo que reclamamos:

    -Que o CXT que se vai publicar no DOG do 6 de novembro esixa a acreditación do coñecemento da lingua galega para todas as persoas que soliciten unha vacante en Galiza.
    -Que a Consellería inicie dunha vez un procedemento para solucionar as discrepancias de baremación entre o noso territorio e o resto do estado.


-documento en pdf
   
                                                                                                                          27 de outubro do 2017
                                                                                                           Comisión Permanente do Secretariado Nacional do STEG
 

prodesin.com E-mail de Contacto | Aviso Legal