STEG ó día · Novas

Celebramos a Begoña Caamaño. Podcast en directo. 18 de abril ás 12.00h, Compostela

Celebramos a Begoña Caamaño

A Asemblea de Mulleres do STEG organiza un acto para lembrar e celebrar a Begoña Caamaño, unha voz imprescindíbel das letras, do feminismo e do pensamento crítico no noso país.

A cita será o sábado 18 de abril, ás 12:00 horas, na Casa do Taberneiro, en Compostela, nun encontro aberto arredor da gravación en directo dun podcast. Será un espazo para escoitar, compartir e poñer en común reflexións, coa condución de Marga Tojo e coas intervencións de Eli Ríos, Susana Sanches Aríns, Lucía Junquera e Pim Patinho.

Con esta actividade queremos render homenaxe a unha figura fundamental da cultura galega e do feminismo, ao tempo que abrimos un lugar de encontro e reflexión colectiva.

Para facilitar a organización, pregamos que as persoas interesadas se inscriban previamente na seguinte ligazón:
https://forms.gle/ZjJTxo7iEn8mZ4oz8

Animamos a afiliadas, afiliados e persoas achegadas a participar e a difundir esta convocatoria nos centros e entre a comunidade educativa.

Pódese consultar máis información no cartaz da actividade.