STEG ó día · STEG opina

 

As traballadoras e os traballadores de Preescolar na Casa concentráronse, hoxe día 21, en A Coruña, Lugo, Ourense e Pontevedra para dar a coñecer á sociedade o momento no que se atopan.

Este proxecto que atende a máis de 4.000 familias, que está na maioría dos concellos galegos, que defende a importancia educativa dos primeiros anos e que salienta o papel imprescindible de nais e pais na educación dos máis pequenos, apostando, ademais, polo valor da cultura e da lingua galegas, atópase nunha situación crítica, cun ERE debido ao enorme descenso das subvencións coas que subsistía.

Solicitan aos políticos que non abandonen un programa educativo que ten tanto prestixio e proxección internacional.

Amosaron o seu desexo de acompañar aos pais e ás nais na fermosa e complicada tarefa de educar aos fillos. E queren demostrar á Administración que cada euro investido nos Espazos Educativos de Preescolar na Casa constrúe un futuro mellor para as familias, para os nenos e as nenas, para a nosa lingua, para GALICIA.

Manifesto lido na concentración