Secretaria da Muller · Artigos de Opinión

Día Europeo das Linguas 2021

26 de setembro

 

Día Europeo das Linguas 2021: Pola diversidade lingüística e cultural

 

Desde a Confederación Intersindical sumámonos á celebración do Día Europeo das Linguas, co obxectivo de seguir traballando na promoción e defensa das linguas minoritarias e minorizadas dos nosos territorios. Hoxe máis que nunca debemos atender á diversidade cultural e lingüística e aprender a vivir nun entorno global cada vez máis plural. Esta celebración, que se iniciou o ano 2001, ten como un dos seus obxectivos promover a riqueza da diversidade lingüística de Europa; unha riqueza que hai que preservar e potenciar.

 

Polo que se refire á ensinanza, desde a Confederación Intersindical seguiremos traballando para que as linguas oficiais e propias dos territorios que están en proceso de normalización lingüística (catalán, euskera, galego, asturián e aragonés) sexan linguas vehiculares da ensinanza e de comunicación interna e externa, de forma que se garanta a súa progresiva normalización. Desta forma, desde a escola poderase traballar por unha verdadeira e necesaria integración e cohesión social.

 

Ante o anteproxecto de lei audiovisual que o Goberno español deu a coñecer fai poucos días, aproveitamos esta xornada para reafirmar a nosa defensa dos dereitos culturais e lingüísticos das outras linguas do estado distintas do castelán. O redactado actual atenta contra un dos usos sociais máis importantes dunha lingua en pleno século XXI, como é a oferta dixital de contidos audiovisuais, ya sexa en plataformas en liña ou canais televisivos. Consideramos esencial que a futura Lei audiovisual incorpore garantías e cuotas para as linguas dos territorios en proceso de normalización lingüística, en todo aquilo que poida afectar á produción de contidos, a súa difusión e emisión. Así mesmo terá que incluir medidas para ofrecer una reciprocidade comunicativa entre autonomías que comparten lingua.

 

As linguas catalá, euskera, galega, asturiana e aragonesa son un patrimonio cultural do Estado español e deben ser obxecto dunha especial protección. No Día Europeo das Linguas hai que reivindicar, unha vez máis, que o pluralismo lingüístico e cultural ten que ser un dos principios básicos da nosa sociedade.

SINDICATO STEG MOI PRETO DE TI


SANTIAGO DE COMPOSTELA

Rúa Basquiños 52 · Baixo dereita
15702 - Santiago de Compostela
Tfno 981 580 700
compostela@steg.gal

Ver en Google Maps
 

A CORUÑA

R/ Alcalde Asúnsolo 2 · Entrechán
15007 · A Coruña
Telf: 981 154 031
corunha@steg.gal

Ver en Google Maps Ver en Google Maps

LUGO

R/ Conde nº 31 · Entresollado esquerda.
27003 · Lugo
Tfno. 982 240 066
lugo@steg.gal

Ver en Google Maps
 

OURENSE

R/ Bedoya 5 · 2º dereita. 32004 · Ourense
Tfno 988 252 323
ourense@steg.gal

Ver en Google Maps
 

PONTEVEDRA

Praza Curros Enríquez 1 · Oficina 201
36002 · Pontevedra
Tfno. 986 857 545
pontevedra@steg.gal

Ver en Google Maps
 
STEG Sindicato de traballadoras e traballadores de ensino de Galiza