Secretaria da Muller · Artigos de Opinión

Día Internacional pola Saúde da Muller

28 de maio

28 DE MAYO: DIA INTERNACIONAL POLA SAÚDE DA MULLER

Hoxe, DIA INTERNACIONAL POLA SAÚDE DAS MULLERES, desde a Asemblea de Mulleres do STEG queremos expresar a nosa loita diaria para facer realidade dito dereito, que significa encontrarse nun estado de benestar ou de equilibrio que pode ser visto a nivel subxectivo (un ser humano asume como aceptábel o estado xeral no que se encontra) ou a nivel obxectivo (constátase a ausencia de enfermidades ou de factores daniños no suxeito en cuestión). Polo tanto o concepto máis amplo de dita definición sería: "A saúde é un estado de completo benestar físico, mental e social, e non soamente a ausencia de afeccións ou enfermidades”.

Pois ben, facendo fincapé en dito benestar, nos encontramos con que desde o actual goberno se están a dar unha serie de circunstancias que están a minguar considerabelmente a saúde de moitas mulleres. Comezaremos citando a supresión da tarxeta sanitaria que fixeron efectiva o 1 de setembro do 2012 a todas aquelas inmigrantes sen papeis de residencia, e que só lles atenderían se acudían aos servizos de urxencia. Unha tremenda barbaridade en pleno século XXI, e en plena crise económica, en onde encontrar un traballo é case unha utopía para as mulleres emigrantes, e con contrato que lles facilite os papeis de residencia é un imposíbel. Así que este goberno insta a todas estas mulleres a acudir a un centro de urxencias cando estea completamente afectada a súa saúde, así que o de “previr é curar”, só llo poden permitir mulleres “legais”.

Outra barbaridade coa que temos que estar a facer fronte desde fai uns meses, e en loita constante, é coa tan anunciada e de forma tan ameazante reforma da actual Lei do Aborto, que, por suposto, agride ao dereito da saúde sexual e reprodutiva das mulleres. O ministro de xustiza Alberto R. Gallardón quere resucitar unha lei de supostos de despenalización e cambiar a lei de prazos que está vixente, coa actual Lei Orgánica 20/2012, de 3 de marzo, que amplía a Lei Orgánica 9/1985 de 5 de xullo. Tamén quere que desapareza o aborto euxenésico, que é a eliminación do feto antes de nacer cando se lle diagnostica unha malformación. Se se levase a cabo esta reforma, moitas mulleres terían que acudir, ben de forma clandestina por falta de medios, coas posíbeis consecuencias sobre a súa saúde física, ou ben gastando unha boa cantidade de diñeiro, a clínicas privadas. Pero iso non parece importarlle a un ministro de Xustiza, que paradoxal…. Porque se dunha cousa está segura unha muller, é da propia decisión de realizar un embarazo ou non, e por suposto, de exercer libremente ese dereito por moi complicado que llo poñan. E por suposto, sempre haberá unha ou moitas mulleres apoiándoa, en completa sororidade.

Por estes motivos e por tantos outros que deixamos no tinteiro, pero igual de importantes para a saúde das mulleres e nenas, sumámonos unha vez máis a levantarnos e loitar polos nosos “dereitos das mulleres que son dereitos humanos”.

Asemblea de Mulleres do STEG
28 de xuño de 2013

SINDICATO STEG MOI PRETO DE TI


SANTIAGO DE COMPOSTELA

Rúa Basquiños 52 · Baixo dereita
15702 - Santiago de Compostela
Tfno 981 580 700
compostela@steg.gal

Ver en Google Maps
 

A CORUÑA

R/ Alcalde Asúnsolo 2 · Entrechán
15007 · A Coruña
Telf: 981 154 031
corunha@steg.gal

Ver en Google Maps Ver en Google Maps

LUGO

R/ Conde nº 31 · Entresollado esquerda.
27003 · Lugo
Tfno. 982 240 066
lugo@steg.gal

Ver en Google Maps
 

OURENSE

R/ Bedoya 5 · 2º dereita. 32004 · Ourense
Tfno 988 252 323
ourense@steg.gal

Ver en Google Maps
 

PONTEVEDRA

Praza Curros Enríquez 1 · Oficina 201
36002 · Pontevedra
Tfno. 986 857 545
pontevedra@steg.gal

Ver en Google Maps
 
STEG Sindicato de traballadoras e traballadores de ensino de Galiza