STEG ó día · Publicacións/Recursos · Recursos para traballar a alternativa á relixión

Dinámicas sobre Habilidades Sociais na aula. Intelixencia Emocional

Estratexias e actividades para a mellora das relacións interpersoais nos centros educativos mediante a aprendizaxe e a posta en práctica de habilidades sociais e emocionais que permitan mellorar o clima social.

A Intelixencia Emocional, concepto que puxo en circulación Daniel Goleman, ten hoxe un amplo eco no mundo institucional, da empresa e da formación superior, con numerosas voces autorizadas (como Eduard Punset) que a reclaman para a escola.

Aspectos como o autocontrol, a autoestima, relacións profesor-alumnado, resolución de conflitos, a empatía ou a asertividade, atoparán aquí un camiño de profundización na mellora do clima emocional do Centro.

Unha nena quedou soa no seu cuarto. Pouco a pouco comeza a sentirse soa e desprotexida e asústase de cousas que hai ao seu redor, pero Mr. Medo medra máis e máis. A curtametraxe e a web teñen como función axudar aos mais pequenos a vencer os seus medos. Para conseguilo convídase a nenos e adultos a que dialoguen sobre o medo o seu funcionamento e cómo poder vencelo: enlace.

“O Diario de Berto” xira en torno á historia dun neno que decide apuntar no seu diario todo o que lle vai contecendo: as relacións cos seus amigos e familia; e todo o vinculado ao seu entorno físico e social. Tamén os seus desexos e inquietudes, os pequenos problemas que resultan inmensos para el… É un neno dunha grande sensibilidade e imaxinación que quere ser astronauta, pero considérase a si mesmo demasiado feo, baixiño e pequeno para alcanzar o seu soño. A través dos seus ollos saberemos qué é a gravidade, por qué vai friaxe no inverno ou cómo funciona un avión, entre outras cousas: enlace