STEG ó día · STEG opina

Segundo o texto presentado, quérese proceder con este proxecto a “establecer unha nova asignación de materias do currículo ás distintas especialidades dos corpos docentes que, tendo en conta as necesidades de titulación e de cualificación requiridas pola ordenación xeral do sistema educativo, permita ás Administracións educativas e ás direccións dos centros elaborar unha proposta pedagógica o máis ampla posible, de acordo coa natureza e as necesidades específicas de cada centro”.

O obxectivo real é, como se ve sobre todo no Anexo V, que por exemplo o profesorado de Filosofía imparta Iniciación á Actividade Emprendedora e Empresarial, ou que o de Asesoría e Procesos de Imaxe faga o mesmo con Bioloxía. É dicir, que as Administracións educativas, cando as necesidades dun centro así o requiran, poidan asignar outras materias distintas ao profesorado dunha determinada especialidade. En cambio, permítese a contratación discrecional de persoal con dubidosa titulación para a docencia en linguas extanjeras.

En realidade, trátase dunha desregularización das especialidades docentes coa intención de compactar as plantillas e desbotar flecos horarios, o que levará á perda de miles de postos de traballo entre o colectivo interino e graves prexuízos, non só para a calidade educativa, senón tamén para a igualdade do ensino, xa que dificultará gravemente a Atención á Diversidade.

O STEG manifestou o rexeitamento absoluto a este novo Real Decreto de Especialidades e esixe ao MECD a súa retirada.

Secretariado Nacional do STEG
6 de novembro de 2014