STEG ó día · STEG opina

Tras a case total falta de apoio das administracións autonómicas, o ministro de Educación Ángel Gabilondo manifestou publicamente o 15 de setembro que había motivos para reconsiderar a aprobación do novo R. D. de Ingreso. Isto provocou que algúns medios informativos anunciasen a súa retirada definitiva, pero a requirimento da Confederación de STEs-intersindical,da que forma parte o STEG, altos responsábeis da administración educativa do Ministerio de Eudcación asegúrannos a día de hoxe (27-09-2011) que se está a tentar facer posíbel o seu trámite. O STEG opúxose desde o primeiro momento a un proxecto que non contempla ningunha solución para o profesorado interino, lembra ao Ministerio de Educación que o presente borrador de Acceso tampouco conta co apoio sindical, esixe a súa retirada inmediata e a apertura de negociacións que contemplen un novo sistema baseado no acceso diferenciado para persoas interinas e as que non teñen experiencia docente.

Respecto aos temarios de oposición, a información verbal que temos indica que non vai haber cambios substanciais nos contidos, senon máis ben unha reordenación de temas que entraría en vigor para as próximas convocatorias

Coma sempre, divulgaremos puntualmente a información que nos chegue con novidades sobre este tema.

Permanente do Secretariado Nacional
outubro 2011