STEG ó día · STEG opina

O STEG apoia a folga de estudantes convocada polo estudiantado para mañá xoves 24 de novembro

Folga do estudiantado

O Goberno do Partido Popular, mala estar en minoría parlamentaria a nivel estatal, desatende o Congreso dos Deputados e  volve demostrar que a súa vontade de diálogo é falsa. O anuncio do Consello de Ministros pasado, de que o Executivo pide ás Cortes revogar o acordo de toda a oposición que aprobou a Proposición de Lei de paralización do calendario LOMCE, volve ser outro descarado menosprezo á vontade popular.

Isto significa que o Ministerio de Méndez de Vigo non pensa dar ningún paso atrás na súa política educativa e insiste en impoñer ao final deste curso académico as reválidas que faltan por aplicar, a de 4º de ESO e 2º de Bacharelato.

O STEG continúa firme na sea defensa do Ensino Público, coa esixencia da derrogación inmediata da LOMCE, de toda a normativa de recortes e do resto de contrarreformas educativas.

En consecuencia, o STEG dá o seu apoio á folga de estudantes do 24 de novembro e anima a comunidade educativa e á sociedade no seu conxunto, a se solidarizar e participar nas diversas manifestacións e concentracións convocadas.

Paralelamente, o STEG continúa a lamentar a falta de unidade existente entre os diversos colectivos e plataformas, convidándoos a reorientar as súas posicións ao respecto, nun exercicio compartido de xenerosidade que promova concentrar e sumar xente e apoios ao fin que perseguimos dende posicións diversas: rematar coa LOMCE e coas reválidas.

-documento en pdf

                                                                     
                                                                                     Comisión Permanente do Secretariado Nacional do STEG                                                 
22 de novembro de 2016