05-12-2014

O escrutinio definitivo da Mesa Coordinadora de Ourense demorará ata o vindeiro martes

O STEG podería entrar de novo na mesa sectorial de educación

O STEG obtén unha representación global provisoria de 14 delegadas/os nas Xuntas de Persoal provinciais

Desde o STEG queremos agradecer, antes de nada, á nosa afiliación e a todo o profesorado galego a confianza depositada en nós nestas eleccións sindicais. Tamén queremos felicitarnos pola alta participación rexistrada e polo clima de total normalidade e civismo que presidiu a xornada en todos os centros.

O escrutinio provisorio reflicte que o STEG, ademais de confirmar a súa presenza en todas e cada unha das Xuntas de Persoal provinciais, podería entrar de novo a facer parte da Mesa Sectorial de Educación. Esta circunstancia, pendente do escrutinio definitivo na circunscrición de Ourense (que demorará ata o vindeiro martes día 9), visualiza de xeito evidente o importante éxito obtido polo STEG nestas eleccións. A entrada ou non do STEG na Mesa Sectorial depende neste intre da confirmación da obtención dun 3º delegado na circunscrición ourensá, que se sumaría aos 5 por A Coruña, 4 por Pontevedra e 2 por Lugo.

Todas as persoas que formamos parte deste proxecto asumimos estes resultados con moita alegría e con responsabilidade, sabedoras da obriga de traballarmos desde agora, con todo o apoio recibido, máis e mellor polo ensino público.

Coidamos que os resultados do STEG, e os das eleccións no seu conxunto, son un claro recado que o profesorado galego envía democraticamente á Consellaría, rexeitando a súa política educativa, por estar centrada na imposición da LOMCE, nos constantes recortes, no descarado apoio ao ensino privado concertado e no deterioro xeral das nosas condicións laborais, salariais e profesionais.

Parabéns a toda a xente que integrou as candidaturas do STEG, parabéns tamén ás persoas electas de todas as demais organizacións sindicais e moitas grazas a todas e todos pola forza e a confianza que nos acabades de dar!.

Secretariado Nacional do STEG
5 de decembro de 2014

Datos Coruña (100% escrutado)

Sindicato	Votos 2010	Votos 2014	Variación votos	Nº Delegadxs 2010 (sobre total de 43)	Nº Delegadxs 2014 (sobre total de 45)	Variación nº delegadxs
STEG	810	760	-50	5	5	-
CIG	3620	3594	-26	23	23	-
CCOO	1333	1201	-132	9	7	-2
FETE-UXT	753	536	-217	5	3	-2
CSIF	379	479	100	-	3	+3
ANPE	770	599	-171	5	4	-1

Datos Lugo (100% escrutado)

Sindicato	Votos 2010	Votos 2014	Variación votos	Nº Delegadxs 2010 (sobre total de 29)	Nº Delegadxs 2014 (sobre total de 27)	Variación nº delegadxs
STEG	290	242	-48	3	2	-1
CIG	1036	1034	-2	10	10	-
CCOO	256	222	-34	3	2	-1
FETE-UXT	530	352	-178	5	4	-1
CSIF	358	377	19	3	4	+1
ANPE	535	460	-75	5	5	-

Datos Ourense (resultados provisionais)

Sindicato	Votos 2010	Votos 2014	Variación votos	Nº Delegadxs 2010 (sobre total de 27)	Nº Delegadxs 2014 (sobre total de 27)	Variación nº delegadxs
STEG	204	197	-7	2	3	+1
CIG	703	662	-41	8	9	+1
CCOO	715	592	-123	8	8	-
FETE-UXT	321	257	-64	4	3	-1
CSIF	52	115	+62	-	-	-
ANPE	449	362	-87	5	4	-1

Datos Pontevedra (100% escrutado)

Sindicato	Votos 2010	Votos 2014	Variación votos	Nº Delegadxs 2010 (sobre total de 43)	Nº Delegadxs 2014 (sobre total de 41)	Variación nº delegadxs
STEG	699	741	42	4	4	-
CIG	3426	3394	-32	21	21	-
CCOO	1051	815	-236	7	5	-2
FETE-UXT	1213	848	-365	8	5	-3
CSIF	197	468	271	0	3	3
ANPE	510	441	-69	3	3	-

STEG ó día · STEG opina

O escrutinio definitivo da Mesa Coordinadora de Ourense demorará ata o vindeiro martes

SINDICATO STEG MOI PRETO DE TI

A CORUÑA

LUGO

OURENSE

PONTEVEDRA