A elaboración e emisión de programas radiofónicos (informativos, magacíns, musicais, dramáticos, etc.) ten todo o interese e poder pedagóxico que supón a valoración dun medio de comunicación complexo e ao mesmo tempo extremadamente próximo e sinxelo de manexar. Investigación, contraste, elaboración e redacción da noticia, verbalización, traballo en equipo, etc., a radio ofrece unha oportunidade única de tratar temas de toda índole cun factor de motivación incontestable.