STEG ó día · Mobilizacións · Folgas Ensino

Peche na Consellería

O Comité de folga péchase na Consellería reclamando apertura de negociacións

O Comité de Folga, constituido por STEG, CIG e CSIF péchase na Consellería reclamando ser recibidas polo Conselleiro para a apertura de negociacións que permitan acadar as melloras perseguidas no "Novembro quente".

Levamos 2 xornadas de folga do ensino (unha en outubro e outra en novembro) con manifestacións multitudinarias en Compostela, unha xornada de protestas nos centros e unha xornada de concentracións nas principais vilas galegas. O profesorado dixemos alto e claro que non nos resignamos a ser o profesorado peor tratado do estado en canto a horarios lectivos, retribucións e burocracia. Non aceptamos que as ratios melloren de xeito insuficiente en Educación Infantil e Primaria e menos aínda que non melloren en absoluto en Educación Secuandaria.

Conselleiro, deixa de ignorar ao profesorado galego que amosou en outubro e novembro a súa disconformidade co acordo da miseria e abre negociacións!!