Son xogos que buscan estimular a comunicación entre os/as participantes, intentan romper a unidireccionalidade da comunicación verbal, pretenden favorecer a escoita activa na comunicación verbal e, por outra parte, buscan estimular y ensinar as claves da comunicación non -verbal. Xogos de expresión, de debate e de retórica, de argumentación e de redacción.
Debates sobre temas de actualidade. Esta proposta pretende fomentar o análise crítico e o debate sobre cuestións que susciten controversia no mundo actual e que se relacionen con situacións que, en maior ou menor medida, afecten ao alumnado. Trátase de que os estudantes se documenten, poñan en común as súas opinións e as razoen mediante a realización de debates ou outras actividades nas que deban contrastar os seus criterios e argumentos cos de outras persoas.
Exemplo de temas:
• Democracia paritaria: Búsqueda de información sobre a participación na política de mulleres e homes, así como o análise crítico sobre o papel das mulleres na vida social e especialmente no ámbito da política. Preténdese que o alumnado coñezan e emitan xuízos de valor baseados en razóns, experiencias e datos sobre o protagonismo das mulleres no exercicio da actividade política ou en calquera outro aspecto ou ámbito da vida pública.
• Consumismo: Os obxectivos desta proposta son reflexionar sobre os padróns de consumo da nosa sociedade e analizar as consecuencias medioambientais e sociais do noso consumo. Actividades previas ao debate.