Quen somos · Modelo Sindical

O S.T.E.G., un Sindicato autónomo e asembleario, membro da Confederación de STEs-i, formada pola unión de Organizacións Sindicais cunha historia común, un proxecto solidario e un mesmo modelo sindical que se resume nas seguintes características:

 

Un sindicato que articule toda a súa acción sindical en torno ás Asembleas, un instrumento a través do que reforzamos a unidade das traballadoras e  traballadores do ensino, debatendo os temas, tomando decisións e controlando a representatividade directamente. As Asembleas son a canle fundamental para practicar un sindicalismo vivo e alonxado de calquera burocratización.  

 

Uun sindicato que partindo da realidade galega, traballando en Galicia, reclamando que as competencias educativas sexan realmente plenas, estea ao mesmo tempo integrado confederalmente para así poder facer fronte ao reto dos grandes temas de política educativa.  

 

Un sindicato que non renuncia a aglutinar a todas as traballadoras e traballadores do ensino. Defensores do modelo de Escola Pública, o que implica esixir aos gobernos que avancen na loita contra as desigualdades a favor das clases oprimidas. 

 

Un sindicato que loita contra as opresións específicas a que están sometidas as mulleres, tanto nos aspectos laborais, profesionais e xurídicos, como nos sexuais e educativos.

 

Un sindicato que non esté subordinado  á Administración, nin manteña ningún tipo de dependencia de partidos políticos nin de grupos de presión, porque unicamente dende esta autonomía podemos desenvolver dun xeito independente a nosa actividade sindical.  

 

Un sindicato que defende as reivindicación das traballadoras e traballadores do ensino. A mellora das súas condicións de traballo considerando a importante función social do Sistema Educativo.

 

Un sindicato formado por traballadoras e traballadores do ensino, docentes e non docentes que son e se senten parte da clase traballadora. No que as súas reivindicación non  queden nunha simple defensa gremial da profesión, belixerante con todo tipo de explotación, co sexismo, e que traballe activamente pola conservación do medio ambiente e pola paz. Que procura unha transformación fonda do actual sistema educativo cara á Escola Pública no marco dun ensino non xerarquizado. 

 

Un sindicato que aspira a configurar unha alternativa unitaria no Ensino dende bases democráticas e pluralistas, e que promove a unidade de acción con outros Sindicatos e Organización progresistas.