STEG ó día · Mobilizacións · Folgas Ensino

Participación masiva do profesorado nas protestas nos centros do 9 de novembro

Milleiros de profesoras e profesores en centenares de centros escolares galegos manifestamos o noso compromiso coa mellora do ensino público galego protestando contra o acordo da miseria e reclamando a baixada efectiva das ratios, a recuperación das 18/21 horas lectivas, a redución para o vindeiro curso da burocracia e o reparto lineal do incremento retributivo. Podedes ver moitas destas fotos de protesta buscando nas redes sociais o seguinte Hashtag #oProfesoradoNonSeVende

O vindeiro martes 14 de novembro ás 19 horas realizaremos concentracións nas principais cidades galegas onde berraremos alto e claro que as nosas xustas demandas deben ser atendidas. Os lugares das concentracións son os seguintes:  A Coruña (Praza Pontevedra), Santiago (Praza Roxa), Ferrol (edificio da Xunta), Lugo (edificio da Xunta), Ourense (Xefatura Territorial de Educación), Pontevedra (Praza da Peregrina) e Vigo (MARCO)

A pelota segue no tellado da Consellería, a cal continúa sen abrir negociacións ao respecto co Comité de folga formado por STEG, CIG e CSIF

Conselleiro, resposta!!