O STEG solicita a sipresión do Art. 13 da addenda por discriminatorio ao suprimir dereitos laborais do profesorado interino

O SINDICATO STEG, apoia a reivindicación do Sindicato de ensino de CNT relativa a inmediata supresión do art. 13 b) da Addenda de 11 de Xullo de 2006 ao Acordo de 20 de Xuño de 1995, asinada por ANPE, CCOO e CSI-CSIF, que sinala que “Decaerán no seu dereito a estar nas listas e aos chamamentos de candidatos os que sexan sancionados con suspensión de funcións en razón de expediente disciplinario”, por considerar que dita addenda atenta contra os dereitos fundamentais dos traballadores e traballadoras do ensino, vulnerando os principios constitucionais elementais de proporcionalidade na graduación de faltas e sancións e de tipicidade, que exixe unha correlación entre falta e sanción, así como a imposibilidade de impoñer unha sanción sen previa tipificación da falta que conleva aquela.

Este artigo da addenda implica a absoluta irrelevancia da calificación da falta como de grave, moi grave ou leve, conlevando a mesma consecuencia para calquera falta que implique suspensión, así como tamén a absoluta irrelevancia da graduación da sanción, xa que unha vez imposta esta, a consecuencia vai a ser a mesma: expulsión das listas, con independencia dos días de suspensión impostos.

Consideramos ademais que o procedemento sancionador é discriminatorio, xa que se rixe pola Lei de Réxime Disciplinario de Funcionarios Públicos, pero a sanción é superior á establecida nesta lei para os/as funcionarios/as, polo mero feito de ser interino/a ou substituto/a. É dicir, non se cumpre a sanción de 25 días de suspensións de funcións imposta en base á mencionada lei, senón que se expulsa ao traballador das listas en base á cláusula 13.b) da Addenda ao Acordo de 20 de Xuño de 1995, sen que tal sanción se corresponda con ningunha falta tipificada en ningunha norma, supoñendo, en definitiva, un despido.