Lexislación · Profesorado · PERMISOS E LICENZAS · PRAZOS PARA RESOLVER E RECURSOS

1. Os prazos para resolver os permisos, licenzas e reducións de xornada regulados nesta orde son os seguintes:

a) Para as direccións dos centros educativos: tres días hábiles.
b) Para os titulares das xefaturas provinciais da Consellería de Cultura, Educación e Ordenación Universitaria: dez días hábiles.

2. O silencio administrativo terá efectos positivos.

3. Naqueles supostos recollidos no artigo 3 desta orde, nos cales por razón de urxencia o persoal funcionario docente necesite gozar do permiso de forma inmediata, en función da propia natureza do permiso, poderá iniciar o gozo deste logo de comunicación verbal ou por outro medio ao órgano competente para concedelo. A concesión do permiso deberase confirmar ou denegar mediante a pertinente resolución.