STEG ó día · Novas

Asemblea aberta en defensa das Ensinanzas Artísticas

Estimadas compañeiras e compañeiros:
 
Como sabedes desde STEG tiñamos convocada unha asemblea en defensa das Ensinanzas Artísticas o pasado luns 28 de abril que non se puido celebrar por mor do apagón. Mentres buscabamos unha nova data para celebrala, este pasado martes foi publicada a resolución definitiva do CXT, xusto un día despois de publicar as vacantes definitivas, un feito que levamos anos denunciando. Nesta resolución definitiva do CXT, entre outras moitas, caen 6 prazas no CMUS Superior da Coruña e 8 no CMUS de Vigo.
Ante o que a gravidade desta situación convocamos con carácter urxente, unha nova xuntanza telemática  a celebrar o vindeiro luns 19 de maio ás 19.00 horas. Pódeste inscribir na seguinte ligazón https://forms.gle/9MmoSDpfvcei1JMXA
 
Desde STEG queremos esixir ante a Consellería de Educación que a publicación das vacantes definitivas se faga dentro do período de renuncias do CXT xa que esta situación volve poñer nunha situación moi gravosa e vulnerable ao persoal funcionario que concursa. Esta situación demostra unha vez máis o desleixo e falta de consideración desta Consellería no que respecta á conciliación da vida persoal e familiar do profesorado.
 
Agardamos a vosa participación,