STEG ó día · STEG opina

A oferta de emprego público presentada pola administración vén confirmar a mesma política de consolidación de recortes que demostran os orzamentos.

Lembramos que durante os últimos catro anos, nos que non houbo oposicións en secundaria, a consellaría argumentou que adiaba a convocatoria para acumular o número de prazas resultante de aplicar a taxa de reposición do 10% e poder ofertar así un número maior de prazas no futuro. Porén, as prazas presentadas non cubren o xa de por si exiguo 10% de reposición, polo que lonxe de paliar o deterioro do emprego en educación, a presente convocatoria está destinada a consolidar a precarización cada vez maior do profesorado interino (aumentou un 50% respecto ao curso anterior), así como a redución de profesorado nos centros educativos.

Estamos ante unha convocatoria ridícula que só pretende encher titulares de prensa dando unha imaxe de recuperación de emprego cando o que se está a facer en educación e seguir a destruílo.

secretariado nacional do STEG
decembro de 2013