STEG ó día · STEG opina

02-03-2010

Desde o STEG felicitamos a todo o profesorado das EEOOII polo éxito deste segundo día de folga e polas mobilizacións do profesorado apoiadas polo STEG.

Escolas Oficiais de Idiomas

No día de hoxe, e de novo, máis do 90% do profesorado secundou a folga e as mobilizacións das EEOOII. En todas as EEOOII do país tiveron lugar concentracións e manifestacións con cacerolada incluída. Nalgunhas escolas a participación nas mobilizacións chegou ao 100% do profesorado.

Seguimos a demandar da administración educativa que escoite ao profesorado e aos seus representantes e que deteña a súa campaña de difamación contra a profesionalidade do colectivo das EEOOII. 

O STEG, que seguirá  a apoiar toda mobilización do profesorado que esixa a retirada da circular motivo do conflito, continuará a traballar pola unidade de acción das organizacións sindicais tal e como nos demanda o profesorado.

Galiza,10 de setembro do 2009
SECRETARIADO NACIONAL DO STEG