STEG ó día · STEG opina

O Concelleiro de Educación anunciou que a Xunta non recorrerá a sentenza do Tribunal Superior de Xustiza de Galiza pola que foron declarados ilegais os concertos educativos dos cinco centros de Galiza que segregan por sexo.

A sentenza colle á Consellería xusto cando saca a convocatoria para renovar os concertos cos centros privados por un período de catro anos máis. A Consellería xa comunicara que este trámite quedaría parado temporalmente á espera do estudio da demanda do TSXG por parte da asesoría xurídica da Xunta.

O que non aclara a Xunta é se a invalidación dos concertos a eses cinco centros se fará efectiva para ou curso que vén. O STEG entende e exixe que así sexa xa que a sentenza saíu nun momento no que a administración ten tempo de modificar a orde e de eliminar os concertos a e estes cinco centros tal e como lle exixe o Tribunal Superior de Xustiza.

O STEG considera insultante que se siga utilizando o argumento da “libre elección de centro” para xustificar a existencia destes concertos xa que o que o recurso interposto polo STEG e a sentenza do TSXG cuestionan non é a lexitimidade de existencia destes centros senón que se acollan ao sistema de ensino gratuíto sostido con fondos públicos.

O STEG tamén entende e así o exixe, que estes centros devolvan os cartos dos concertos recibidos durante este período de concertos (desde o 26 de agosto de 2009) xa que según o dictaminado polo TSXG trataríase dunha financiación ilegal. Cartos que, lle apuntamos á Xunta, podería invertir en servizos do ensino público e que desde o 2009, cando o goberno de Feijoo chega á Xunta, leva recortando tales como libros de texto ou comedores escolares.
  pdf co documento