STEG ó día · STEG opina

MOBILIZACIÓNS CONXUNTAS de todas as OOSS para esixir a retirada da proposta

Modificación do horario lectivo do funcionariado docente

Acordos de todas as organizacións sindicais para esixir a retirada da proposta de modificación de horario lectivo do profesorado e o mantemento e cumprimento do Acordo de 8 de xuño de 2007.

As organizacións sindicais abaixo asinantes, en reunión realizada o sábado 18 en Compostela tomaron os seguintes acordos:

• Adoptar unha postura unitaria para esixir a retirada da proposta de modificación do horario lectivo e o mantemento e cumprimento do Acordo de 8 de xuño de 2007.
• Realizar unha rolda de prensa o luns 20 para presentar as medidas acordadas e trasladar ese día aos centros a proposta de calendario de mobilizacións, que serían as seguintes:

• 21 de xuño de 2011: Concentración ante a Consellaría de Educación de delegados e delegadas sindicais e esixencia na Mesa Sectorial da retirada do proxecto.
• 21 de xuño de 2011: Paro en todos os centros de Infantil e Primaria de 10 a 10:30 coincidindo coa celebración da Mesa Sectorial, permanecendo o profesorado de  brazos cruzados.
• 28 de xuño de 2011: manifestación ás 11:30 con saída da Praza do Toural e remate na Consellaría de Educación.
• Resolucións dos Consellos escolares, Claustros e Xuntas de Persoal esixindo a retirada desta proposta e o mantemento e cumprimento do acordo de 8 de xuño de 2007.
• Petición de entrevistas aos grupos parlamentares.
•  Elaboración dun calendario de folga coincidindo co inicio do curso escolar e outras propostas que se considerasen necesarias.

Santiago de Compostela, 20 de xuño de 2011

CIG-ENSINO   CCOO-ENSINO   FETE-UGT   ANPE   STEG   CSIF