STEG ó día · STEG opina

O STEG apoia o mantemento dos servizos do Consorcio Galego de Servizos de Igualdade e Benestar

Educación Infantil. 1º Ciclo (0-3 anos)

O despedimento de 61 traballadoras e traballadores das Oficinas de I + B, integradas no Consorcio Galego de Servizos de Igualdade e Benestar, por parte dos xestores da nova Xunta supón unha nova mostra do empeño do goberno galego en reducir servizos públicos xa consolidados.

O STEG solidarízase con estas traballadoras e traballadores do Consorcio Galego de Servizos de Igualdade e Benestar, que prestan importantes servizos en eidos como a atención á infancia, o coidado dos maiores, a protección de mulleres vítimas da violencia machista ou o fomento da igualdade de oportunidades entre homes e mulleres entre outros. O noso sindicato avoga polo mantemento destes servizos públicos, que dan cobertura a sectores cada vez máis castigados e vulnerables na actual conxuntura económico-social.

Perante esta situación, o STEG denuncia a política de recortes sociais da Xunta e apoia as persoas despedidas e as reivindicacións que están a levar a cabo.

Documento en pdf para imprimir