STEG ó día · STEG opina

O STEG consegue que se aplique o acordo tal e como foi asinado entre a Consellería de Educación e as organizacións sindicais sobre as condicións de traballo do profesorado itinerante.

Profesorado itinerante

Grazas as xestións feitas polo STEG en relación á falta de coordinación entre a Consellería e a Xefatura Territorial da provincia de Pontevedra onde se estaba a enviar aos centros, dende a inspección educativa, instrucións dicindo que o profesorado itinerante que non itinerase entre dous ou máis centros, no mesmo día, non terían dereito á compensación horaria semanal que aparece no acordo.

A Subdirección Xeral de Centros e Recursos Humanos, a instancia do STEG, comprometeuse a ditar unhas instrucións claras onde se reflicta que as condicións laborais do profesorado itinerante na provincia de Pontevedra serán as mesmas que nas restantes provincias, ao non haber ningunha modificación do acordo que asinamos as organizacións sindicais coa Consellería respecto as condicións de traballo do profesorado itinerante.

O STEG congratúlase desta decisión da Consellería pero amosa a súa sorpresa e rexeitamento polas interpretacións, sempre modificando á baixa as condicións laborais do profesorado, que algunhas persoas fan dos acordos xa asinados e que estaban desenvolvéndose dun xeito aceptable.

Documento en pdf para imprimir

Secretariado Nacional do STEG
outubro 2009