STEG ó día · STEG opina

O STEG denuncia que a Administración non cubre preto de 200 xubilacións LOE

CXT-Vacantes corpo secundaria

Publicadas o martes 24 de maio as vacantes definitivas do concurso xeral de traslados do corpo de PES, atopámonos con que a Consellaría non saca a concurso 186 vacantes  producidas polas xubilacións LOE.

O feito é moito máis grave se temos en conta que máis dun cento desas vacantes contaban co informe positivo da inspección educativa.

É difícil saber en que criterios se basea a Consellaría para facer este recorte pois, como dicimos, a maioría son vacantes completamente consolidadas e evidentemente imprescindibles para o normal funcionamento dos centros.

Aínda que con menor incidencia cuantitativa, non deixa de chamar a atención a aparición de certas vacantes que non se rexen por ningún criterio: por que no caso das defunción producidas no 2011 unhas saen neste concurso e outras non?

Non entendemos que saia como vacante definitiva a deixada por unha persoa proposta para os EOE antes de ser definitivo o proceso de selección.

Desde o STEG faremos as oportunas reclamacións, comezando na mesa sectorial de mañá xoves, diante da administración, pero ao mesmo tempo animamos a todos os centros a reclamar aquelas vacantes que consideren necesarias para o seu funcionamento.

En función da resposta da administración estudaremos as posibilidade de mobilizacións coas outras organizacións para evitar outro recorte no ensino público.

Documento co número de vacantes por especialidades