STEG ó día · STEG opina

O STEG revalida a súa representación

Eleccións sindicais 2010

ELECCIÓNS ENSINO NON UNIVERSITARIO 2010  

Estas eleccións confirman a lexitimidade, entre o profesorado galego, do modelo do STEG

Desde o STEG queremos agradecer a nosa afiliación e a todo o profesorado galego a confianza depositada en nós nestas eleccións sindicais. A nosa felicitación quere estenderse a todo o profesorado pola alta participación rexistrada nesta xornada, esta participación indica a confianza do profesorado no sindicalismo como axente de defensa do ensino público fronte as políticas conservadoras, políticas empeñadas en considerar a educación pública como un gasto e non como un dereito de toda a cidadanía e un investimento de futuro.

Todas as persoas que formamos parte deste proxecto asumimos, estes resultados con moita responsabilidade sabedores da obriga de traballar máis e mellor por un ensino máis público que consiga e consolide unha sociedade igualitaria.

O STEG estará en todas as xuntas de persoal para defender a calidade do ensino público mais non queremos deixar de lamentar que o aumento de votos non se acompaña dun aumento de delegadas/os, polo que non manteremos a nosa presenza na mesa sectorial.

Os resultados do STEG, e das eleccións no seu conxunto, deben interpretarse, por parte da Consellaría, como un rexeitamento á súa política educativa centrada nos recortes do profesorado, no apoio ao ensino privado concertado, na propaganda institucional e no ataque á lingua galega.

Resultados eleccións sindicais 2010

Secretariado Nacional do STEG 

10 de decembro do 2010