STEG ó día · STEG opina

Concentración de CCOO-ensino, FETE-UGT e STEG o xoves 22 de abril, ás 11:30 da mañá, en San Caetano diante da Consellaría de Educación.

Os obxectivos deste acto son:
1.Mostrar o noso total desacordo coa decisión da Consellaría de pechar 8 comedores escolares nas provincias de Lugo e Ourense.
As organizacións convocantes manifestamos o noso total rexeitamento ao continuo desmantelamento de servizos públicos no rural. Ao mesmo tempo, denunciamos a posible privatización deste servizo de comedor a través de caterings ofertados por empresas privadas coa conseguinte diminución na calidade do mesmo.

Moito nos tememos, que en máis dun caso, este será o 1º paso para o peche destes centros escolares.

2. Queremos, así mesmo, facer un chamamento á Administración para que faga unha xestión eficaz dos recursos públicos dedicados aos comedores, evitando os retrasos no pagamento que leva a diminuír a calidade do servizo e traslada conflitividade aos centros só atribuíble a unha deficiente xestión.

Secretariado Nacional do STEG
Abril 2010

Documento en pdf para imprimir