STEG ó día · STEG opina

 

Entre o profesorado e o seguimento por parte do alumnado, practicamente ningún centro funcionou con normalidade. A isto hai que engadir ás numerosas familias que optaron por secundar o paro non levando as fillas e fillos aos centros educativos.

 

Para o STEG, o paro no conxunto da sociedade do día de onte, debe ser o punto de inflexión que leve ao goberno do Estado e ao Goberno da Xunta a deter as políticas de precariedade laboral e de redución dos servizos públicos. No ámbito do ensino, a Consellaría debe deixar de velo como un gasto e interpretalo como un dereito innegociable, así coma unha inversión (á clase política éncheselle a boca dicindo isto constantemente) para saír da crise na que se nos meteu.

 

Non queremos deixar a ocasión de salientar que o seguimento entre o profesorado non foi o agardado. Isto debeuse, entre outros factores, a que esta é a terceira folga que secunda este ano. Neste sentido, desde o sindicalismo debemos facer unha reflexión que nos leve a mellorar o noso discurso e estratexia para contrarrestar o discurso contrario á mobilización.

 

É preocupante a sensación existente de que as mobilizacións non poden cambiar as decisións políticas polo que trunfa a idea de que “a folga non serve para nada”. Por outra banda, a falla de unidade sindical non axuda a cambiar esta percepción.

Desde o STEG queremos felicitar á comunidade educativa nesta xornada reivindicativa asumindo que seguiremos a traballar para evitar o desmantelamanto dos servizos públicos. Servizos imprescindíbeis para toda a cidadanía.

 

 

Secretariado Nacional do STEG

Setembro de 2010