XIV Premios Irmandade do Libro, da Federación de Libreiros de Galicia

Convocatoria 2005.

Características da convocatoria

XIV Premios Irmandade do Libro, da Federación de Libreiros de Galicia
A Federación de Libreiros de Galicia convoca os XIV Premios Irmandade do Libro, en varias modalidades entre as que se inclúe a de Centros de Ensino, dirixida aos centros públicos ou privados de Galicia.

Seleccionaranse tres colexios finalistas. O centro gañador recibirá, ademais dunha estatuíña de bronce, un cheque por importe de 1.500 € para a adquisición de libros en librerías da Federación de Libreiros, da zona á que pertenza o colexio galardoado. Os dous centros finalistas obterán un cheque por valor de 300 €, coa mesma finalidade, ademais dun diploma acreditativo.

Os centros interesados en participar, deberán enviar unha memoria detallada do traballo realizado durante o ano 2004 en relación co libro e a lectura, e moi especialmente a favor do libro e a lectura en galego, así como as actividades realizadas a prol da cultura en xeral.
O xurado valorará a documentación, bibliografía e outros materiais que acompañen á memoria presentada.

A data límite para a recepción dos traballos, nos locais da Federación de Libreiros de Galicia, é o 25 de febreiro de 2005