JAIME PITA VARELA, CONSELLEIRO DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA E SECRETARIO DO CONSELLO DA XUNTA DE GALICIA,
CERTIFICA:
Que o Consello da Xunta de Galicia, na súa reunión do día doce de setembro de dous mil dous adoptou, entre outros o seguinte Acordo:
Establecer unha nova clasificación dos centros docentes públicos que imparten ensinanzas non universitarias.

A clasificación dos centros docentes públicos nos correspondentes tipos será efectuada pola Delegación Provincial da Consellería de Educación e Ordenación Universitaria, tendo en conta os seguintes criterios:

INSTITUTOS DE EDUCACIÓN SECUNDARIA, CENTROS PÚBLICOS INTEGRADOS E CENTROS QUE IMPARTEN ENSINANZAS DE RÉXIME ESPECIAL:

• Tipo A: Centros de máis de 1350 alumnos.
• Tipo B: Centros de 751 a 1350 alumnos.
• Tipo C: Centros de 450 a 750 alumnos.
• Tipo D: Centros de menos de 450 alumnos.
• Tipo E: Extensións ou seccións delegadas.

Os institutos nos que se imparta ademais de Educación Secundaria Obrigatoria e Bacharelato, algún ciclo formativo de formación profesional ou programa de garantía social, estarían clasificados alomenos como tipo C.

ESCOLAS DE EDUCACIÓN INFANTIL, COLEXIOS DE EDUCACIÓN INFANTIL E PRIMARIA E COLEXIOS DE EDUCACIÓN PRIMARIA:

• Tipo A: Colexios de 40 ou máis unidades.
• Tipo B: Centros específicos de Educación Especial e colexios de 18 a 39 unidades.
• Tipo C: Colexios de 12 a 17 unidades.
• Tipo D: Colexios de 6 a 11 unidades.
• Tipo E: Colexios de 3 a 5 unidades.