"Coa nova Lei pode darse que nun mesmo centro, nun mesmo curso e grupo de alumnado e á mesma hora se impartan simultaneamente a relixión católica, evanxélica, musulmana, xudía e a alternativa non confesional. Cada profesor reúnese cos seus "adeptos", a quen confirma nas súas crenzas (e, nalgúns casos, contra as crenzas dos seus compañeiros de clase), sen posibilidade de diálogo nin comunicación interrelixiosa. Ao cabo dámoslle a razón a Huntington e convertemos a escola no espazo privilexiado para o choque de civilizacións."

J.J. Tamayo Cátedra de Teoloxía I. Ellacuría [El País, 15-09-2003]

AOS MEUS IRMÁNS BISPOS...
"Neste verán, algunhas actuacións ou palabras da autoridade eclesiástica provocaron dor e queixa na opinión pública. Tanta, que alguén de entre vós chegou a falar dun renacer do anticlericalismo e de persecución contra a Igrexa. Non descoñezo os reberetes sectarios dalgúns anticlericalismos hispanos. Pero temo que o que chamades persecución non é máis que a saturación e fartura de boa parte da sociedade (tanto de non crentes coma de moitos cristiáns) contra modos de actuar que nos son difíciles de entender.
Estas liñas tentan dicirvos, desde dentro e desde a fraternidade, o que outras moitas voces din desde fóra e desde a desconsideración. Procurei contar ata cen antes de falar (e non cen segundos, senón cen días), para facelo con calma e sen resentimento. Quero ser cristián e selo coa máxima fidelidade ao Evanxeo. Pero debo confesarvos que a institución eclesiástica é a cruz da miña fe. [...]"

José Ignacio Glez. Faus Teólogo [revista IRIMIA, nº 685]

Plataforma cidadá por
unha sociedade laica